Xalq deputatlari Bekobod shahar kengashining deputati, ma’naviyat targ‘ibotchilar guruhi a’zosi U.Abdunazarov tomonidan hamkorlikda shahar Tibbiyot texnikumining o‘qituvchi va xodimlari ishtirokida O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga Murojaatnomasi yuzasidan davra suhbati tashkil etildi. Suhbatda ushbu Murojaatnoma jamiyatimiz tomonidan katta qiziqish bilan kutib olinganligi va chuqur e’tibor bilan tinglanganligi e’tirof etildi. Murojaatnoma, avvalo, davlat va jamiyatni tashvishga solayotgan eng dolzarb masalalarga tizimli yechimlar taklif etilishi bilan ahamiyatlidir. Unda nafaqat hozirgi islohotlarning mazmun-mohiyati, balki kelgusidagi rivojlanish yo‘nalishlari, aniq maqsadlar va ularga erishish mexanizmlari belgilab berilishi bilan ahamiyatlidir. Shu jihatdan Murojaatnoma strategik ahamiyatga ega bo‘lgan dasturiy hujjat hisoblanadi. Chunki unda ilgari surilgan tashabbus va g‘oyalar keyinchalik qabul qilinadigan davlat dasturlari, tarmoq va hududiy strategiyalarda o‘z ifodasini topadi hamda amaliy ijro uchun asos bo‘lib xizmat qiladi. U islohotlarning mazmunini
yanada chuqurlashtirib, ularni har bir fuqaroning kundalik hayotiga yaqinlashtirishga xizmat qiladi.