Yangi yil bayrami arafasida ijtimoiy himoyaga muhtoj aholi qatlamini qo‘llab-quvvatlash, ularning holidan xabar olish maqsadida Xalq deputatlari Navoiy shahar Kengashi deputatlari J. Hafizov hamda R. Qo‘ziyevlar Navoiy shahridagi Xonchorboq mahalla fuqarolar yig‘inida bo‘lib, ushbu hududda yashovchi fuqarolar bilan uchrashdilar.

Tashrif davomida deputatlar mahalladagi kam ta’minlangan, ehtiyojmand oilalarning turmush sharoiti bilan yaqindan tanishib, ularning muammo va takliflarini tingladilar. Yangi yil bayrami munosabati bilan ushbu oilalarga oziq-ovqat mahsulotlaridan iborat xayr-ehsonlar tarqatilib, bayramona kayfiyat ulashildi.

Fuqarolar tomonidan ko‘rsatilayotgan bunday e’tibor va g‘amxo‘rlik uchun deputatlarga minnatdorlik bildirilib, amalga oshirilayotgan ezgu ishlar aholining ijtimoiy himoyasini mustahkamlashda muhim ahamiyat kasb etishi ta’kidlandi. Deputatlar esa kelgusida ham aholi bilan yaqin muloqotda bo‘lish, ularning muammolarini hal etish yo‘lida amaliy ishlar davom ettirilishini ma’lum qildilar.