Murojaatnoma mazmuni yuzasidan saylovchilar bilan uchrashuv

Xalq deputatlari Sherobod tumani Kengashi 4-uch yog‘och – Qarabog‘ saylov okrugi deputati K. Xashimov tomonidan “Qarbog‘” mahallasida saylovchilar bilan uchrashuv bo‘lib o‘tdi.

Mazkur uchrashuvda mahalla faollari, nuroniylar, yoshlar hamda keng jamoatchilik vakillari ishtirok etdilar.

Uchrashuvdan ko‘zlangan asosiy maqsad — O‘zbekiston Respublikasi Prezidenti tomonidan Oliy Majlisga yo‘llangan navbatdagi Murojaatnomaning mazmun-mohiyati, unda belgilab berilgan ustuvor vazifalar, ijtimoiy-iqtisodiy islohotlar hamda aholining farovonligini oshirishga qaratilgan chora-tadbirlar yuzasidan saylovchilarga atroflicha tushuntirish berishdan iborat bo‘ldi.

Deputat K. Xashimov o‘z so‘zida Murojaatnomada ilgari surilgan muhim tashabbuslar, xususan:

• aholini ijtimoiy qo‘llab-quvvatlash,

• bandlikni ta’minlash,

• ta’lim va sog‘liqni saqlash tizimini rivojlantirish,

• hududlarni kompleks rivojlantirish,

• mahallaning jamiyatdagi o‘rni va mas’uliyatini oshirishga qaratilgan vazifalar haqida batafsil to‘xtalib o‘tdi.

Shuningdek, uchrashuv davomida saylovchilar tomonidan bildirilgan taklif va murojaatlar tinglanib, ularni hal etish yuzasidan tegishli mas’ullarga yetkazilishi qayd etildi. Ayrim masalalar bo‘yicha joyida tushuntirishlar berildi.

Uchrashuv yakunida ishtirokchilar Prezidentimiz Murojaatnomasida belgilangan vazifalarni amalga oshirishda faol ishtirok etish, mahalla hayotini yanada obod qilish va fuqarolik faolligini oshirish muhimligini ta’kidladilar.