Xalq deputatlari Sherobod tumani Kengashining navbatdagi 18-sessiyasi bo‘lib o‘tdi.

Sessiyada tuman hokimi o‘rinbosarlari, tuman Kengashi deputatlari, kotibiyat xodimlari, shuningdek, tumandagi bir qator korxona va tashkilotlar rahbarlari ishtirok etdi.

Sessiya kun tartibidan o‘rin olgan 20 ta dolzarb masala muhokama qilinib, ular yuzasidan tegishli qarorlar qabul qilindi. Jumladan, Sherobod tumanining 2026-yilgi mahalliy budjetini tasdiqlash, yuridik va jismoniy shaxslarning qishloq xo‘jaligiga mo‘ljallanmagan yerlariga 2026-yil uchun yer solig‘i stavkalarini belgilash masalalari ko‘rib chiqildi. Shuningdek, suv resurslaridan foydalanganlik uchun soliq hamda yer qa’ridan foydalanganlik uchun bazaviy soliq stavkalariga qo‘llaniladigan kamaytiruvchi va oshiruvchi koeffitsiyentlar yuzasidan muhokamalar olib borildi.

Yakunda deputatlar tomonidan bildirilgan taklif va mulohazalar inobatga olinib, tumanda amalga oshirilayotgan islohotlar samaradorligini oshirishga qaratilgan muhim qarorlar qabul qilindi.