Mamlakatimiz bo‘ylab o‘tkazilayotgan “Yashil makon” umummilliy harakati Ishtixon tumanida ham yuqori sur’atlarda davom etmoqda.

Tumanimiz bo‘ylab davom etayotgan “Yashil makon” umummilliy harakati doirasida, xalq deputatlari tuman Kengashi deputati Faxriddin Abdurazzaqov o‘zi saylangan hududda mevali va manzarali daraxt ko‘chatlari o‘tqazilmoqda.

Go‘zallik, yaratuvchanlik va kelgusi avlodga g‘amxo‘rlik ajdodlarimizdan bizga meros. An’analarning davomi esa borliqni asrash, ekologik muammolarni bartaraf etishda faollikni talab etadi. Ota-bobolarimiz bir daraxt kessang o‘nni ek deb bekorga aytmagan. Yildan-yilga ekologik vaziyat taranglashib borayotgan, cho‘llanish va qurg‘oqchilik tobora avj olayotgan bir paytda har bir qarich yerga nihol ekish, uni parvarishlash orqali ekohalokatning oldini olish har birimizning burchimizdir.