Xalq deputatlari Bekobod tumani Kengashiga 24-Chanoq saylov okrugidan saylangan deputat D.Saidova o‘ziga biriktirilgan Qora-qo‘yli mahallasi hududida joylashgan 31-maktabda bo‘ldi.

Tashrif davomida deputat avvalo maktabning isitish tizimi holatini o‘rgandi, mavjud texnik vositalarning ishlash darajasi, sinf xonalaridagi haroratning me’yoriy talabga mosligi hamda qishda barqaror isitish ta’minoti bo‘yicha mas’ullar bilan suhbat o‘tkazdi.

Shuningdek, o‘quv jarayoniga ta’sir ko‘rsatayotgan muammolar, o‘qituvchilar va ma’muriyat tomonidan bildirilgan taklif va ehtiyojlar atroflicha ko‘rib chiqildi. Yuzaga kelgan masalalarni tizimli ravishda hal etish yuzasidan tegishli tashkilotlarga yuborish uchun deputat tomonidan qaydlar olib borildi.