Xalq deputatlari Chilonzor tuman Kengashiga 23-Yakkatut saylov okrugidan saylangan deputat Sh.Shodmonov 2025-yilning uchinchi choragida o‘z faoliyati yuzasidan saylovchilar oldida axborot berdi. Tadbirda “Yakkatut” mahalla fuqarolar yig‘ini raisi hamda mahalla faollari ishtirok etdilar.

 Deputat uchinchi chorak davomida okrug bo‘ylab jami 5 marotaba aholi bilan uchrashuvlar o‘tkazib, fuqarolar tomonidan kelib tushgan 15 ta murojaatdan 10 tasi ijobiy hal etilganini, qolganlari esa tegishli tashkilotlarga yo‘naltirilganini ta’kidladi. Fuqarolarning eng ko‘p uchraydigan muammolari qish mavsumi tayyorgarligi, yo‘llar va ichki ko‘chalar holati, kommunal xizmatlar sifati hamda mahalla hududlaridagi ijtimoiy infratuzilma bilan bog‘liq edi.

Deputat xalq deputatlari Chilonzor tuman hokimligiga aholidan kelib tushgan muammolar yuzasida "Deputat so'rovi' yuborgani va so'rov natijasida "Yakkatut" mahallasida joylashgan 29-30-uylar oldi va 526-MTT yon qismini asfaltlash uchun Kengash qarori chiqqanini hamda bu ishlar tez kunda boshlanishini ma'lum qildi. 

 Uchrashuv va joylarga chiqib o‘rganish davomida deputat mahalla raisi bilan birgalikda hududdagi qish mavsumiga tayyorgarlik ishlarini tekshirdi. Aniqlangan kamchilik va muammolar bo‘yicha mas’ullar bilan tezkor bog‘lanish, ularni hal etish choralarini ko‘rish va natijalarini shaxsan deputat nazorati ostida bajarish belgilandi.