Dehqonobod tumanida to‘y-marakalarni ixcham va tartibli o‘tkazish, ortiqcha isrofgarchiliklarning oldini olish hamda aholining ijtimoiy mas’uliyatini oshirishga qaratilgan targ‘ibot-tashviqot ishlari muntazam davom ettirilmoqda.

Mazkur tushuntirishlar jarayonida fuqarolarga maromiylik talablarining mazmun-mohiyati, ularning jamiyat barqarorligiga ta’siri keng yoritilmoqda.
Xususan, to‘y va maraka tadbirlarini haddan tashqari dabdaba bilan o‘tkazishning iqtisodiy va ma’naviy zararlarini tushuntirish, odob-axloq va milliy qadriyatlarga mos ravishda ixcham, tartibli tadbirlar tashkil etish bo‘yicha amaliy tavsiyalar berilmoqda.

Shuningdek, targ‘ibot ishlari doirasida ajrimlarning oldini olish, erta nikoh va erta tug‘ruqning salbiy oqibatlari haqida yoshlar, ota-onalar va keng jamoatchilik bilan suhbatlar o‘tkazilmoqda. Mutasaddilar oilaviy hayotga mas’uliyat bilan yondashish, farzandlar tarbiyasida ogohlik va o‘zaro hurmatning ahamiyatini alohida ta’kidlamoqda.