O‘zbekiston Respublikasi Prezidenti rahbarligida 2025-yil 26-sentabr kuni kengaytirilgan tarzda o‘tkazilgan yig‘ilishda mamlakatimizda “Yashil makon” umummilliy loyihasining kuzgi mavsumi boshlanganligi ma’lum qilinib, bunda butun jamoatchilik keng ishtirok etishiga da’vat etilgan edi. Shundan kelib chiqqan holda Xalq deputatlari shahar kengashi deputati, “Nuroniy” jamg‘armasi Bekobod shahar bo‘limi raisi T.Niyozov faol nuroniylar bilan uchrashuv o‘tkazdi. Uchrashuv davomida “Yashil makon” umummilliy harakati doirasida shahrimizda olib borilayotgan keng ko‘lamli ishlar e’tirof etilib, mazkur loyiha doirasida mahallalarda tashkil etilayotgan hasharlar, ko‘kalamzorlashtirish va obodonlashtirish jarayonlarida aholining faolligi tobora oshib borishida nuroniylarni o‘rni sezilarli bo‘lishini ta’kidladi. Shuningdek, nuroniylar tomonidan olib borilayotgan targ‘ibot-tashviqot ishlari aholining ushbu ezgu ishga mas’uliyat bilan yondashishida muhim omil bo‘layotgani qayd etilib, “Yashil makon” harakatini keng targ‘ib qilish, mahallalarda ko‘chat ekish, yashil hududlarni ko‘paytirish, mavjud daraxtlar parvarishi kabi masalalarda nuroniylarning o‘rni muhim ekanligi ta’kidlandi.