Халқ депутатлари Янгиқўрғон туман Кенгаши котибияти томонидан "Маҳаллий Кенгашлар фаолиятини намунали ташкил этишнинг устувор йўналишлари: муаммо ва ечимлар» мавзусида семинар ташкил этилди.

Семинарда  Ўзбекистон Республикаси Олий Мажлиси Сенати аъзолари, халк депутатлари вилоят Кенгаши раиси, вилоят, шаҳар, туман Кенгашлари депутатлари, котибиятлари масъул ходимлари ҳамда депутатлар иштирок этдилар.

Семинар давомида маҳаллий Кенгашлар фаолиятини янада самарали ташкил этиш, аҳоли манфаатларини ҳимоя қилиш ва давлат дастурлари ижросини таъминлаш мақсадида устувор вазифаларни белгилаб олинди.

Жумладан, аҳоли билан тизимли мулоқотни йўлга қўйиш, оммавий ахборот воситалари билан ҳамкорликни кучайтириш, депутат сўрови институтидан  фаол фойдаланиш, Кенгашлар назорат ва таҳлил функцияларини кучайтириш мақсадида давлат дастурлари ва қонун ҳужжатлари ижросини ўрганиш,  “Маҳалла еттилиги – Кенгаш – Сенат” ҳамкорлигини кучайтириш, Кенгаш сессияларида қабул қилинган қарорлар ижросини мунтазам таҳлил этиш, жойлардаги масъул ташкилотлар фаолиятини баҳолаб бориш орқали назорат самарадорлигини ошириш зарурлиги таъкидланди.

Семинар якунида иштирокчилари халқ депутатлар туман Кенгаши котибияти учун яратилган замонавий иш шароитлари билан яқиндан танишдилар.