DEPUTATLIK NAZORATI  

    Xalq deputatlari Sherobod tumani Kengashi kotibiyati mudiri, 25-Boyqishloq saylov okrugi deputati O. Tursunov hamda 1-Yangiturmush saylov okrugi deputati S. Eshonqulovlar tomonidan tumandagi 49-umum ta’lim maktabida deputatlik nazorati tadbiri amalga oshirildi. 

Mazkur tashrif doirasida xalq deputatlari tomonidan ta’lim muassasasining 2024–2025-o‘quv yilining kuz-qish mavsumiga tayyorgarlik jarayonlari o‘rganildi. 

Xususan, maktab rahbariyati va mas’ul mutaxassislar bilan uchrashuv o‘tkazilib, mavjud muammolar, ularning yechimlari hamda kelgusida amalga oshirilishi ko‘zda tutilgan chora-tadbirlar yuzasidan fikr almashildi. Deputatlar ta’lim jarayonining uzluksiz va sifatli tashkil etilishi, o‘quvchilarning xavfsizligi hamda qulay sharoitlar yaratilishini
ta’minlash borasida maktab ma’muriyatiga o‘z tavsiya va topshiriqlarini berdilar. 

Tadbir yakunida aniqlangan kamchiliklarni belgilangan muddatlarda bartaraf etish, tegishli tashkilotlar bilan hamkorlikni kuchaytirish hamda deputatlik nazorati natijalari bo‘yicha muntazam axborot taqdim etish bo‘yicha maktab ma’muriyatiga ko‘rsatmalar berildi.