“Farg‘ona tumanida aholi muammolarini
o‘rganish va manzilli yechim topish bo‘yicha Oqbilol mahalla faollari bilan ochiq muloqot” 

Farg‘ona tumanida aholi hayotiga bevosita
ta’sir qilayotgan masalalarni eshitish va ularni o‘z vaqtida hal qilish maqsadida
o‘tkazilayotgan ochiq muloqotlar yanada jadallashmoqda. Navbatdagi uchrashuv Oqbilol
mahallasida o‘tdi — fuqarolarning har bir so‘zi, har bir murojaati bevosita
joyida tinglandi. 

Hudud deputati Axrorbek Erkaboev
mahalla faollari, nuroniylar va aholi bilan suhbat jarayonida hududdagi o‘zgarishlar,
muammolar va ularning yechimiga oid fikrlarni ochiq muhokama qildi. 

Davlatimiz rahbari Qaror va Farmonlari
asosida amalga oshirilayotgan yangilanishlar, “Tashabbusli budjet”
orqali ro‘yobga chiqarilgan loyihalar odamlar hayotida sezilarli o‘zgarishlar berayotgani
alohida ta’kidlandi. 

Biroq uchrashuvda eng ko‘p ko‘tarilgan
masala — bu atrofdagi **karerlar (qum-shag‘al qazib olinadigan maydonlar)**dan ko‘tarilayotgan
chang. Aholi, ayniqsa, bolalar salomatligiga salbiy ta’sir qilayotgani haqida qattiq
tashvish bildirishdi. Bu nafaqat bir xonadonning, balki butun mahallaning umumiy
dardi ekani yaqqol ko‘rindi. 

Aholi dardi — eshitildi. Endi esa amaliy
qadamlar boshlandi.

Muammolar yuzasidan mutasaddilarga aniq vazifalar yuklandi va mazkur
masalani qisqa fursatda hal qilish maqsadida tezkor “Deputatlik so‘rovi”
yuborish bo‘yicha kelishuvga kelindi.