Andijonda mahalliy Kengashlarning axborot maydonidagi faoliyati kuchaytirilmoqda

✅Xalq deputatlari Andijon viloyati Kengashi kotibiyati hamda Demokratik jarayonlarni tahlil qilish markazining hududiy bo‘linmasi hamkorligida “Mahalliy Kengashlarning ijtimoiy tarmoqlardagi faoliyatini samarali tashkil etish” mavzusida seminar bo‘lib o‘tdi.

🟢Tadbirda ijtimoiy tarmoqlar bugun oddiy axborot kanali emas, balki davlat organlarining xalq bilan muloqotini ta’minlovchi, ochiqlik va ishonchni mustahkamlovchi muhim maydonga aylangani, shu bilan birga, axborot-targ‘ibot ishlarining yetarli darajada yo‘lga qo‘yilmagani fuqarolarning deputatlarga bo‘lgan ishonchiga salbiy ta’sir ko‘rsatayotgani qayd etildi.

🟢Seminar davomida rasmiy sahifalarni to‘g‘ri yuritish, axborot siyosatida shaffoflikni ta’minlash bo‘yicha amaliy tavsiyalar berildi. To‘g‘ri axborot siyosati Kengashlar nufuzini oshirishi, jamoatchilik ishonchini mustahkamlashi va ochiq davlat boshqaruviga xizmat qilishi ta’kidlandi.
https://t.me/Andijon_shahar_kengashi