Deputat saylovchilar bilan uchrashuvi bo‘lib o‘tdi

Xalq deputatlari Boyovut tuman Kengashi deputati Jumavoy Rahmonqulov tomonidan "Navbahor" mahallasida saylovchilar bilan navbatdagi uchrashuvi o‘tkazildi. Uchrashuvda "mahalla yettiligi", mahalla faollari va nuroniylar ishtirok etishdi.

⏩ Muloqot davomida aholini qiziqtirgan masalalar, dolzarb ehtiyojlar hamda hududdagi ijtimoiy-iqtisodiy jarayonlar atroflicha muhokama qilindi.

⏩ Uchrashuvda fuqarolarning taklif va fikrlari tinglanib, ularni bosqichma-bosqich hal etish bo‘yicha tegishli mas’ul tashkilotlar bilan hamkorlikda amalga oshiriladigan chora-tadbirlar belgilab olindi. Shuningdek, mahalla hayotini yanada yaxshilash, aholiga qulay sharoit yaratish, yoshlar va oilalarga ko‘mak ko‘rsatish borasida olib borilayotgan ishlar yuzasidan tushuntirishlar berildi.

📋 Tadbir yakunida deputat saylovchilarning murojaatlari bo‘yicha aniq vazifalarni belgilab, masalalar ijrosi nazoratga olinishini ma’lum qildi.

Xalq deputatlari Boyovut tumani Kengashi kotibiyati