3-Bahoriston saylov okrugidan saylangan deputat R. Ismoilova o‘z hududidagi maktab va maktabgacha ta’lim tashkilotlarida bo‘lib, ta’lim maskanlarining kuz-qish mavsumiga tayyorgarlik jarayonlari bilan yaqindan tanishdi.

O'rganish davomida u muassasalarda “Yashil makon” dasturi doirasida ekilgan daraxtlarning parvarish holati, yashil hududlarni kengaytirish bo‘yicha amalga oshirilayotgan ishlar, shuningdek, 4-son AFChO'M dagi to‘garaklar faoliyatini ham o‘rganib, ularning samaradorligi va o‘quvchilarning darsdan tashqari bilimini boyitishdagi ahamiyatini baholadi.

Deputat tomonidan o‘rganishlar jarayonida mavjud masalalar bo‘yicha mas’ullarga tegishli tavsiyalar berildi va ta’lim muassasalarida yaratilayotgan sharoitlarni yanada yaxshilash yuzasidan takliflar bildirildi.