O‘rganish jarayonida poliklinikaning aholiga ko‘rsatilayotgan tibbiy xizmat sifati, shifokor va hamshiralar bilan ta’minlanganlik darajasi, fuqarolar murojaatlarini qabul qilish tartibi, shuningdek, shahobchaning kuz–qish mavsumiga tayyorgarlik holati ko‘zdan kechirildi. Bundan tashqari, deputat bepul dori-darmon olgan fuqarolar bilan suhbat o‘tkazib, ularga ko‘rsatilayotgan xizmat sifati va mavjud muammolar bo‘yicha fikrlarini tingladi. Mazkur shahobcha Qorasuv va Gulzor MFY aholisiga xizmat ko‘rsatib kelmoqda.Aholiga yanada sifatli tibbiy xizmat ko‘rsatish va mavjud muammolarni bartaraf etish bo‘yicha tegishli tavsiyalar berildi