🔹Hududlarda tashabbusli budjet jarayoni natijalari bo‘yicha amalga oshirilayotgan ishlar mavjud ijtimoiy muammolar yechilishida muhim ahamiyat kasb etadi. Barcha hududlarda bo‘lgani kabi Uchko‘prik tumanida ham joriy yildagi “Tashabbusli budjet” loyihasining birinchi bosqichi yakunlariga ko‘ra g‘oliblar e’lon qilingan edi. Darhaqiqat, tashabbusli budjet asosida olib borilayotgan ishlar hudud ijtimoiy va iqtisodiy holatini yanada mustahkamlashga xizmat qilishi lozim. Bu boradagi ishlarda mahalliy kengash deputatlarining o‘rganuvlari katta ahamiyatga ega. 

🔹“Tashabbusli budjet” natijalarining ijro jarayonini atroflicha o‘rganish maqsadida xalq deputatlari viloyat va tuman Kengashlari deputati Muqimjon Dehqonov, deputat-tuman Kengashi kotibiyati mudiri Laziz Turanov, deputatlar Bahodirjon Muqimov va Lazizjon Usmonov tuman Markaziy shifoxonasi “Nevrоlogiya” bo‘limida bo‘lishib, olib borilayotgan ta’mirlash jarayoni bilan yaqindan tanishdilar. Mana shunday o‘rganishlar
davlat budjetini maqsadli sarflanishida deputatlarning ishtirokini kengaytirishga, saylovchi va deputat hamkorligini yanada oshirishga, loyihalarning amalga oshirilishida deputatlik nazoratini kuchaytirishga xizmat qiladi, albatta. 

 Xalq deputatlari Uchko‘prik tumani Kengashi kotibiyati