Guliston MFYda xotin-qizlar faolining ish faoliyati o‘rganildi 

Guliston mahalla fuqarolar yig‘inida okrug deputati R.Muxtorova tomonidan mahalla
xotin-qizlar faoli X.Ermatovaning faoliyati o‘rganildi. Tadbir O‘zbekiston
Respublikasi Prezidentining 2022-yil 7-martdagi PF-87-son Farmonida belgilab
berilgan vazifalar ijrosini amalda qanday ta’minlanayotganini tahlil qilish
maqsadida tashkil etildi. 

O‘rganish jarayonida xotin-qizlarni har tomonlama qo‘llab-quvvatlash, ularning bandligini
ta’minlash, ijtimoiy muammolarini bartaraf etish hamda murojaatlar bilan
ishlashda amalga oshirilayotgan ishlar ko‘rib chiqildi. Shuningdek, mahalladagi
ijtimoiy muhit, ayniqsa, xotin-qizlar o‘rtasidagi muammolarni erta aniqlash va
ularga manzilli yordam ko‘rsatish bo‘yicha faoliyat samaradorligi baholandi. 

Deputat R. Muxtorova farmon ijrosi doirasida amalga oshirilayotgan ishlarni yuqori
baholab, xotin-qizlar bilan ishlash tizimini yanada takomillashtirish yuzasidan
qator tavsiyalar berdi.