Xalq deputatlari Chinoz tumani Kengashi deputati Hikmatilla Hafizov Beshkapa MFYda bo‘lib, mahalladagi bir qator yo‘nalishlarda amalga oshirilayotgan ishlar bilan tanishdi. 

Mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash va to‘lash bo‘yicha amalga oshiralayotgan ishlari hamda Mahalla xotin-qizlar faoli tomonidan olib borilayotgan faoliyat, xotin-qizlarni qo‘llab-quvvatlash borasida ko‘rilayotgan choralar hamda mavjud muammolarni hal etishdagi natijadorlik o‘rganildi. 

Shuningdek, mahalladagi soliq inspektorining aholiga ko‘rsatayotgan xizmatlari, unga yuklatilgan vazifalarning bajarilish darajasi ham atroflicha ko‘rib chiqildi.

Deputat Hikmatilla Hafizov mahalla yettiligi faoliyatini yanada takomillashtirish bo‘yicha o‘z tavsiyalarini berdi.