Xalq deputatlari shahar Kengashi deputati N.Sharipova tashabbusi bilan “Jingovuz” mahallasi hududida to‘y marosimlarini ixchamlashtirish va ularda tartib-intizomni mustahkamlash masalalariga bag‘ishlangan kengaytirilgan uchrashuv o‘tkazildi.

Tadbirda shahar hokimi o‘rinbosari, Oila va xotin-qizlar bo‘limi boshlig‘i R.Davletova, Ma’naviyat bo‘limi boshlig‘i D. Jumaniyazov, ‘Nuroniy’ jamg‘armasi vakili O. Abdullayev hamda mahalla faollari ishtirok etdilar.

Uchrashuv davomida isrofgarchilikka yo‘l qo‘ymaslik, marosimlarni me’yoriy talablar asosida tashkil etish, yoshlar ongida to‘g‘ri marosim madaniyatini shakllantirish kabi masalalar atroflicha muhokama qilindi.

Shuningdek, marosimlarni ixcham va ma’naviy boy shaklda o‘tkazishning tarbiyaviy ahamiyati haqida fikr bildirildi hamda nuroniylar tomonidan olib borilayotgan targ‘ibot-tashviqot ishlari natijalarini bayon etildi.

Deputat marosimlarda ortiqcha dabdababozlikning oldini olish, aholiga tushuntirish ishlarini kuchaytirish va mahalla faollari bilan hamkorlikda jamoatchilik nazoratini rivojlantirish zarurligini ta’kidladi.