Fayziobod mahallada soliq inspektori faoliyati va soliq tushumlari ijrosi o‘rganildi 

Piskent tumani Fayziobod MFY hudud deputati D. Komilova “Deputat mahallada” loyihasi doirasida soliq inspektori
Iskandar Chintoshevning faoliyatini o‘rgandi. Suhbat chog‘ida mahallada 1110
nafar soliq to‘lovchi borligi, yer, mol-mulk, fermer va tadbirkorlardan
tushadigan soliqlarni o‘z vaqtida yig‘ish qat’iy nazorat qilinayotgani ma’lum
qilindi. 

Inspektor soliq tushumlarini ta’minlashda mahalla yettiligi, ko‘chaboshilar va nuroniylar bilan hamkorlik
muhim ekanini ta’kidladi. 2025 yilda soliq tushumining 10 foizi mahalla
ehtiyoji uchun qoldirilib, Fayziobod MFY uchun kompyuter, konditsioner, planshet
va banner xarid qilindi. 

26 yillik tajribaga ega inspektor I. Chintoshev hududni yaxshi bilgani tufayli oylik soliq rejalari muntazam ortig‘i
bilan bajarilayotganini qayd etdi.