Albatta, aholining turmushi farovon, dasturxoni to‘kin, barakali bo‘lishida bozorlardagi narx-navo va yaratilgan shart-sharoitlar muhim o‘rin egallaydi.

Bugun xalq deputatlari Nurobod tuman Kengashi deputati S.Suyarov tumandagi Nurbuloq mahallasida joylashgan dehqon bozorida o‘rganish ishlarini olib bordi.

O‘rganishlar davomida bozorlardagi veterinariya xizmati ish faoliyati, sotuvchi va xaridorlar uchun yaratilgan shart-sharoit va imkoniyatlar, bozor hududi va atroflarida sanitariya va gigiyenik qoidalarga nechog‘lik amal qilinayotganligi hamda savdo rastalari holatlari ko‘zdan kechirildi.

Shunigdek, bozorlardagi aholi iste’moli uchun eng zarur mahsulotlar narx-navosi, mahsulotlarning yetarliligi yuzasidan tanishib chiqdi.

O‘rganishlar davomida aniqlangan kamchiliklar yuzasidan deputat bozor rahbariyatiga kamchiliklarni bartaraf etish bo‘yicha tegishli o‘z tavsiyalarini berdi.