Deputat va “Inson” ijtimoiy xizmatlar markazi rahbari fuqarolarni qabul qildi.

Termiz tumanida fuqarolarning ijtimoiy muammolarini o‘rganish va ularni hal etishga ko‘maklashish maqsadida navbatdagi fuqarolar qabuli tashkil etildi. Qabul jarayonida tuman Kengashi deputati A.Avliyakulov hamda “Inson” ijtimoiy xizmatlar markazi rahbari ishtirok etdilar.

Uchrashuvda aholining turli ijtimoiy sohalarga oid murojaatlari tinglandi. Jumladan, nogironligi bo‘lgan shaxslar, ko‘p bolali va kam ta’minlangan oilalar, shuningdek ishsiz fuqarolar tomonidan bildirilgan masalalar ko‘rib chiqildi.

Deputat va markaz rahbari murojaatlarni joyida hal etish yuzasidan amaliy ko‘rsatmalar berdilar, ayrim masalalar bo‘yicha mas’ullarga topshiriqlar yuklatildi. Fuqarolarga qonunchilik doirasida beriladigan ijtimoiy yordam turlari, bandlikka ko‘maklashish imkoniyatlari va huquqiy maslahatlar tushuntirildi.

Qabul yakunida murojaat qilgan fuqarolarga zarur tavsiyalar berilib, ularning muammolarini bosqichma-bosqich hal etish choralarini ko‘rish bo‘yicha kelishib olindi.