Mitan MFYda ichki yo‘llarni asfaltlash ishlari oldidan muammolar o‘rganildi 

Mitan MFYda ichki yo‘llarni asfaltlash jarayoniga tayyorgarlik ishlari
o‘rganildi. Mahalla faollari ishtirokida o‘tkazilgan uchrashuv davomida
aholining uzoq yillardan beri yechim kutayotgan muammolari tinglandi va joyida
ko‘zdan kechirildi. 

Tadbirda Mitan MFY hududi deputati B. Abralov ham qatnashib, fuqarolar tomonidan
bildirilgan taklif va murojaatlar bilan tanishdi. 

Deputatning aytishicha: 

“Har bir murojaat – biz uchun muhim. Aholining hayot sifatini yaxshilash borasida
muammolarni joyida o‘rganib, tezkor choralar ko‘rish — asosiy vazifamiz,” —
dedi B. Abralov. 

Mahalla aholisi esa yo‘l ta’miri bilan bog‘liq muammolar yillar davomida ularni qiynab
kelganini ta’kidladi. 

Mahalla faollaridan biri shunday deydi: 

“Yo‘llarimizni asfaltlash bo‘yicha ishlarning boshlanishi – biz uchun katta quvonch. Muhim
jihati, faoliyat jarayonida aholining fikri ham inobatga olinayotgani,” — dedi
mahalla faoli.