Joriy yilning 17-noyabr kuni soat 09:⁰⁰da viloyat hokimligi binosining katta majlislar zalida xalq deputatlari Buxoro viloyati Kengashining navbatdagi sessiyasi oʻtkaziladi. 

Sessiya kun tartibidan

👉 "Davlat tili toʻgʻrisida”gi Oʻzbekiston Respublikasi Qonuni va davlat tiliga oid boshqa meʼyoriy-huquqiy hujjatlarning viloyat hududida ijro etilishi hamda geografik obyektlarni nomlash va qayta nomlash masalalari boʻyicha hududiy komissiya faoliyati samaradorligi toʻgʻrisida"gi; 

👉 "Davlat aktivlarini boshqarish agentligi viloyat boshqarmasi boshligʻining joriy yil 3-chorak yakuni boʻyicha viloyatda davlat mulkini xususiylashtirish borasida amalga oshirilgan ishlar yuzasidan hisoboti haqida"gi; 

👉 "Yaponiya xalqaro hamkorlik agentligi (JICA) hamda Osiyo taraqqiyot banki (OTB) bilan hamkorlikda amalga oshiriladigan energiya samaradorligini oshirish boʻyicha loyihalar konsepsiyalarini kelishish toʻgʻrisida"gi; 

👉 "Buxoro viloyatida huquq ustuvorligi indeksi natijalari asosida aniqlangan kamchiliklarni bartaraf etish yuzasidan chora-tadbirlar rejasini tasdiqlash toʻgʻrisida"gi; 

👉 "Buxoro viloyatining Romitan, Jondor hamda Buxoro tumanlaridagi ayrim mahalla fuqarolar yigʻinlarining hududlarini shaharsozlik jihatidan rivojlantirish sxemalarini tasdiqlash toʻgʻrisida"gi; 

👉 "Buxoro viloyatidagi ayrim mahalla fuqarolar yigʻinlari hududining chegaralarini belgilash toʻgʻrisida"gi;  

👉 "Buxoro
viloyati transport boshqarmasida korrupsiyaning oldini olish borasida amalga oshirilgan ishlarning holati toʻgʻrisida"gi masalalar oʻrin olgan.  

Sessiya viloyatning ijtimoiy tarmoqlardagi rasmiy sahifalari, shuningdek, "Buxoro" telekanali orqali toʻgʻridan toʻgʻri namoyish etiladi.

🕊Xalq deputatlari Buxoro viloyati Kengashi (https://t.me/XDBVK)