🔹“Mahalla yettiligi” — mahalla fuqarolari yig‘ini raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim,
soliq inspektoridan iborat jamoa tomonidan aholi muammolari aniqlanayapti va hal etish tizimi takomillashtirilib, mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hamkorlik faoliyati yo‘lga qo‘yilgan. 

🔹Hamkorlar o‘z vazifalarini bajarishda qay darajada uddasidan chiqmoqdalar?! Uchko‘prik tumanidagi “Chorbog‘” va “Begmurod” mahalla
fuqarolar yig‘inlarining “Mahalla yettiligi” ish faoliyatini o‘rganayotgan xalq deputatlari Farg‘ona viloyati va Uchko‘prik tumani Kengashlari deputati G‘ayratjon Abdullayev hamda tuman Kengashi deputati Dilmurodjon Abdurazzaqov yuqoridagidek savollarga javoblar izlamoqdalar. 

🔹O‘rganishlar davom etmoqda: deputatlar “Chorbog‘” mahalla fuqarolar yig‘inida yashaydigan ikkinchi guruh nogironi, hozirda saraton xastaligiga chalingan nuroniy Yo‘ldashev Murtazaqul ota xonadonida bo‘lishib, otaning davolanish maqsadida “Inson” ijtimoiy xizmatlar markaziga yo‘llagan murojaat-arizasini mutasaddilar tomonidan ko‘rib chiqilishida hamda yigirma million olti yuz ming so‘m mablag‘ ajratilishida amaliy yordam berdilar va nazoratga oldilar. 

  Xalq deputatlari Uchko‘prik tumani Kengashi kotibiyati