Халқ депутатлари Пахтаобод тумани Кенгаши депутати Б.Усмонов Ўзбекистон Республикаси Президентининг 2024 йил 23 сентябрдаги “Камбағалликни қисқартириш ва аҳоли турмуш фаровонлигини ошириш борасидаги чора-тадбирларни янги босқичга олиб чиқиш тўғрисида”ги ПФ-143 сон Фармони ижросини таъминлаш мақсадида “Машъал” маҳалла фуқаролар йиғинида бўлди.  

Депутат Б.Усмонов ва “маҳалла еттилиги” иштирокида маҳалланинг кундалик турмуш шароити, мавсумий эҳтиёжлари ва инфратузилма билан боғлиқ масалалар атрофлича кўриб чиқилди. Ўрганиш чоғида маҳалланинг камбағал ва эҳтиёжманд тоифадаги хонадонларида бўлиб қиш мавсумига тайёргарлик масаласига алоҳида эътибор қаратилди.  

Депутат фуқаролар билан мулоқотлар жараёнида ечимини кутаётган муаммоли масалалар ва уларнинг эҳтиёжлари юзасидан фикр алмашди. Аниқланган муаммоли масалалар бўйича амалий чоралар белгилаб олинди ва уни ижроси депутатлик назоратига олинди.