Халық депутатлары Қараөзек районлық Кеӊеси 15-Фазылов сайлаў округи депутаты Г.Юсупованыӊ сайлаўшылар менен ушырасыўы болып өтти. Ушырасыўға Мәденият аўыл пуқаралар жыйыны ўәкиллери, аймақтағы социаллық мәкеме, шөлкем ўәкиллери ҳәм аймақ турғынлар қатнасты. 

Ушырасыўда депутат Г.Юсупова шығып сөйлеп, аймақты социал-экономикалық раўажландырыў бағдарында әмелге асырылып атырылған жумыслар, жаӊадан қабыл етилген нызам ҳәм қарарлар ҳәм мәмлекетлик бағдарламалардыӊ мазмуны, «Абат журт» тазалық айлығы шеӊберинде үй әтираплары ҳәм көше бойларын жабайы шөплер ҳәм шығындылардан тазалаў бойынша кеӊ түрде тоқталып өтти. Буннан соӊ ушырасыў қатнасыўшыларыныӊ пикир ҳәм усыныслары тыӊланылып, депутатлық қадағалаўға алынды.