Jizmonsoy mahallasida joylashgan Shayx Saidmuhammad
Xalifa Yo‘ldosh ibn Davlat ziyoratgohida bugungi kunda keng ko‘lamli
bunyodkorlik va obodonlashtirish ishlari amalga oshirilmoqda. Ziyoratgoh
nafaqat diniy-ma’naviy qadriyatlarimizni yodga soluvchi muqaddas maskan, balki
ichki turizmni rivojlantirishda muhim ahamiyat kasb etuvchi nuqta sifatida ham
alohida o‘rin tutadi. 

Xalq deputatlari tuman Kengashi kotibiyat mudiri
M.Teshayev mazkur ziyoratgohda olib borilayotgan ishlar bilan yaqindan
tanishdi. Mazkur ziyoratgohning ichki turizmdagi ahamiyati, ziyoratchilar uchun
yaratilayotgan qulay sharoitlar va maskanni zamonaviy qiyofaga keltirish,
ziyoratgoh hududini obod qilish, uni zamon talablariga mos holda ta’mirlash
hamda ziyoratchilar uchun qo‘shimcha imkoniyatlar yaratish bo‘yicha taklif
bildirdi. 

Shayx Saidmuhammad Xalifa Yo‘ldosh ibn Davlat ziyoratgohining ma’naviy va madaniy
qiymatini yanada oshirish, mahalliy turizm salohiyatini yuksaltirishga xizmat
qilishi, ziyoratgoh atrofida amalga oshirilayotgan bunyodkorlik ishlari
tumandagi har bir muqaddas qadamjoni asrab-avaylash, ularni kelajak avlod uchun
munosib holda saqlab qolish borasidagi ezgu sa’y-harakatlarning yorqin
ifodasidir.