Bugungi kunda ta’lim muassasalarida kuz-qish mavsumiga puxta tayyorgarlik ko‘rish masalasi dolzarb ahamiyat kasb etmoqda.
Shu munosabat bilan “Adolat” SDP G‘ozg‘on shahar Kengashi raisi 4-“Shifokorlar” saylov okrugidan saylangan shahar Kengashi deputati O.Sharipov
1-umumiy o‘rta ta’lim maktabiga tashrif buyurib, ob-havo sovib borayotgan bir paytda o‘quvchilar uchun zarur qulayliklar yaratilishi bo‘yicha amalga oshirilayotgan ishlar bilan tanishdi.

Tashrif davomida deputat maktab binosining umumiy holatini, isitish tizimlari ishga tayyorligi, deraza va eshiklarning mustahkamligi,
elektr tarmoqlarining xavfsizligi, hamda o‘quv xonalarining gigiyenik sharoitlarini sinchkovlik bilan o‘rgandi.

Deputat o‘z navbatida, maktab rahbariyatiga o‘quvchilar salomatligi va xavfsizligini ta’minlash borasida doimiy e’tiborli bo‘lish zarurligini ta’kidladi.
Shuningdek, aniqlangan ayrim kamchiliklarni qisqa muddatda bartaraf etish yuzasidan tegishli tavsiyalar berdi.