Deputatlar yoshlar bandligi masalasini o‘rgandilar

Xalq deputatlari Sherobod tumani Kengashi kotibiyati mudiri, 25-Boyqishloq saylov okrugi deputati O. Tursunov hamda 10-Chag‘atoy saylov okrugi deputati Q. Raxamovlar Majnuntol mahallada bo‘lib, yoshlar yetakchisi tomonidan amalga oshirilayotgan tadbirlar samaradorligini o‘rgandilar.

Uchrashuv davomida deputatlar mahalladagi yoshlarning bandligini ta’minlash, ularni tadbirkorlikka jalb etishni qo‘llab-quvvatlash masalalariga alohida e’tibor qaratdilar.

Shuningdek, yoshlar yetakchisi tomonidan amalga oshirilayotgan ishlar, ularning natijalari, mavjud muammolar va istiqboldagi rejalar muhokama qilindi. Deputatlar yoshlarga yaratilgan sharoitlar, ularning tashabbuslarini rag‘batlantirish bo‘yicha tavsiyalar berdilar.

Mazkur o‘rganish natijalari asosida mahallada yoshlar bandligini yanada oshirish, ularning ijtimoiy faolligini kuchaytirish bo‘yicha tegishli takliflar ishlab chiqiladi.