Bugun 13-noyabr kuni Xalq deputatlaru Yangiobod tuman Kengashi raisi Ibrohim Qarshiboyev va tuman Kengashi kotibiyati mudiri Valijon Xasanovlar “Havotog‘” QFY yettiligi a’zolari bilan birgalikda hududda amalga oshirilayotgan obodonlashtirish ishlari bilan tanishdi. 

Tashrif davomida mahalladagi ko‘cha va xiyobonlarni tartibga keltirish, tozalash, ko‘kalamzorlashtirish, infratuzilmani yaxshilash bo‘yicha amalga oshirilayotgan ishlar ko‘zdan kechirildi. Shuningdek, aholi uchun yanada qulay va ozoda muhit yaratish maqsadida bajarilishi zarur bo‘lgan vazifalar muhokama qilindi.  

Xalq deputatlaru tuman Kengashi raisi mas’ullarga obodonlashtirish ishlarining sifatini oshirish, belgilangan rejalarni o‘z vaqtida amalga oshirish, mavjud kamchiliklarni bartaraf etish bo‘yicha aniq topshiriqlar berdi. 

Hududdagi o‘zgarishlar muntazam nazoratga olinib, ishlar izchil davom ettirilishi ta’kidlandi.