Deputatning saylovchilar bilan uchrashuvi

Xalq deputatlari Boyovut tumani Kengashining 25–Navbahor saylov okrugidan saylangan deputati Jumavoy Rahmonqulov “Navbahor” mahallasida faol nuroniylar va saylovchilar bilan uchrashuv o‘tkazdi.

Uchrashuv davomida mahalla hayoti, aholi farovonligini oshirish, hududni obodonlashtirish va yoshlarni qo‘llab-quvvatlash masalalari atroflicha muhokama qilindi. Shuningdek, deputat tomonidan “Obod xonadon”, “Obod ko‘cha” va “Obod mahalla” ko‘rik-tanlovining mahalla bosqichi bo‘yicha tushunchalar berilib, tanlovning maqsad va ahamiyati, unda faol ishtirok etishning foydali jihatlari haqida so‘z yuritildi.

Tadbir ishtirokchilari o‘z taklif va mulohazalarini bildirishdi, mavjud muammolarni bartaraf etish yuzasidan hamkorlikda ishlashga kelishib olindi.

Xalq deputatlari Boyovut tumani Kengashi kotibiyati.