Xalq deputatlari tuman Kengashi raisi yoshlar bilan uchrashdi

Yoshlar — jamiyatning kelajagi, mamlakat taraqqiyotining asosiy tayanchi hisoblanadi. Bugungi kunda ularning salohiyatini ro‘yobga chiqarish, orzu-intilishlarini qo‘llab-quvvatlash maqsadida yurtimizda keng imkoniyatlar yaratilmoqda.

Shu maqsadda Uzun tuman hokimi Xabibulla Bozorov tuman hokimligi katta majlislar zalida faol, izlanuvchan va tashabbuskor yoshlar bilan uchrashuv o‘tkazdi.

Muloqot davomida hokim yoshlarga yaratilayotgan shart-sharoitlar, ta’lim va tadbirkorlik yo‘nalishlaridagi imkoniyatlar haqida so‘z yuritdi. Shuningdek, tadbirkorlik faoliyatini yo‘lga qo‘yish, kredit olish, kasb-hunar o‘rganish va o‘z g‘oyalarini amalga oshirish istagida bo‘lgan 50 nafarga yaqin yoshlarning fikr va takliflari tinglandi.

Tadbir yoshlar bilan ochiq muloqot, ularning muammolariga amaliy yechim topish hamda kelajakka ishonch va tashabbus ruhini yanada mustahkamlashga xizmat qildi.