Bugun, Xalq deputatlari Chinoz tumani Kengashi deputatlari A.Baxramov, F.Ibragimovlar "Ulugʻvor" mahallasida aholi murojaatlarini oʻrganish va ijobiy hal qilish maqsadida qabul oʻtkazdilar. 

Qabulda Xalq qabulxonasi mudiri G.Karabayev, tuman prokuraturasi masʼul xodimi, tuman hokimining oʻrinbosarlari, tumandagi korxona va tashkilot rahbarlari hamda mahalla yettiligi aʼzolari ham ishtirok etishdi. 

  Ushbu qabulda fuqarolarni diqqat bilan tinglab, imkon qadar ularning muammolarini hal qilishga harakat qilindi.Qabul davomida 30 dan ziyod fuqaroning elektr, suv taʼminoti, kadastr, taʼlim, ijtimoiy himoya va jarimalarga oid murojaatlari tinglandi. 

  Murojaatlarning aksariyati joyida hal etildi, qolganlari esa ijobiy hal qilish uchun mutasaddi tashkilot rahbarlariga yoʻnaltirildi. Baʼzi murojaatlar boʻyicha fuqarolarga huquqiy maslahatlar ham berildi.