Xalq deputatlari tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining yigʻilishida Vobkent tumanida yangi ish o‘rinlarini yaratish va aholi bandligini ta’minlash borasida 2024-yil davomida amalga oshirilgan ishlar hamda 2025-yilda rejalashtirigan ishlar to‘g‘risida hamda O‘zbekiston Respublikasi Prezidentining 2024-yil 23-sentabrdagi “Kambag‘allikdan farovonlik sari dasturini amalga oshirish bo‘yicha birinchi navbatdagi chora-tadbirlar to‘g‘risida”gi PQ-330-sonli qarori asosida amalga oshirilayotgan ishlar muhokama qilindi. Yigʻilishda, doimiy komissiya raisi A.Qurbonov, tuman Kengashi kotibiyati mudiri M.Naimova, komissiya a’zolari D.Qodirova, D.Xaitova, A.Kenjaev, tumani kambag‘allikni qisqartirish va bandlikka ko‘maklashish bo‘limi, tuman iqtisodiyot va moliya bo‘limi vakillari ishtirok etishdi.

Tumanda 2024-yilda jami 18630 nafar fuqarolarning bandligini ta’minlash rejalashtirilgan bo‘lib, 1-dekabr holatida amalda barcha soha va yo‘nalishlarda 21827 nafar ya’ni 117,0 foizga fuqarolarning quyidagi yo‘nalishlarda bandligi ta’minlangan. 2024-yilda ishsiz fuqarolarni ish bilan ta’minlash bo‘yicha joriy yilning yanvar-dekabr oylari mobaynida tashkil qilingan jamoat ishlariga jalb qilingan fuqarolar soni 463 nafarni tashkil etgan. Tumanda oilaviy tadbirkorlikni rivojlantirish va aholini tadbirkorlikga jalb qilish maqsadida 2024 yil yanvar-noyabr oylarida “Har bir oila – tadbirkor” Davlat dasturi doirasida 2 183 ta jismoniy shaxslarga jami 32,5 mlrd.so‘m imtiyozli kreditlar mablag‘lari ajratilgan.

Shuningdek, tumandagi hokim yordamchilar tomonidan 2024-yil yanvar-noyabr oylari davomida jami 273 nafar fuqarolarga 1 418,1 mln.so‘mlik 10 turdagi “Temir daftar”, “Ayollar daftari” va “Yoshlar daftari”ga kiritilgan fuqarolar o‘z faoliyatini boshlashi uchun kerak bo‘ladigan asbob-uskuna yoki mehnat qurollari olib berilgan va shu bilan birgalikda ularni o‘zini-o‘zi band qilingan.

Tumanda 2025-yilda jami 20241 nafar fuqarolarning bandligini ta’minlash rejalashtirilgan.

Aholi hamda tadbirkorlik sub’ektlarini moliyaviy qo‘llab-quvvatlash maqsadida qichik va o‘rta biznesni rivojlantirish uchun 369,4 mlrd.so‘m va dasturlar doirasida 71,6 mlrd.so‘m hamda Respublika byudjetidan mahalla infratuzilmasini yaxshilash uchun 13,0 mlrd.so‘m va 1,8 mlrd.so‘m subsidiya mablag‘lari ajratish rejalashtirilgan.

2025-yil yakuniga qadar kambag‘allik darajasini 7,4 foizdan 5,5 foizga va ishsizlik darajasini 5,2 foizdan 4,9 foizga tushirilishi rejalashtirilganligi ta’kidlandi.

Mazkur masala yuzasidan deputatlar tomonidan aholini kambag‘allikdan chiqarish bo‘yicha aniq chora-tadbirlar belgilash, kambag‘al oilalar bilan ishlashda “mahalla yettili” faoliyatini tubdan yaxshilash kabi bir qator fikr-mulohazalari hamda takliflarini bildirib o‘tishdi. Mazkur masala tuman Kengashining navbatdagi sessiya kun tartibiga kiritilishi belgilangan.