Iftixor mahallasida bandlik va kambagʻallikni qisqartirish ishlari o‘rganildi

🏛 Xalq deputatlari Fargʻona shahar Kengashi raisi Azizbek Bahodirovich Soyibnazarov "17-Oybek" saylov okrugi "Iftixor" mahalla fuqarolar yigʻinida mahalliy Kengash deputati faoliyatining eng muhim yoʻnalishlari boʻyicha ishlab chiqilgan 24 ta tavsiyaning 4-bandi ijrosi yuzasidan oʻrganish olib bordi.
✅Oʻrganish davomida mahalladagi hokim yordamchilari tomonidan amalga oshirilayotgan ishlar samaradorligi, xususan, aholini kambagʻallikdan chiqarish, ularning bandligini taʼminlash, daromad manbalarini kengaytirish hamda ehtiyojmand oilalarni qoʻllab-quvvatlash borasida amalga oshirilayotgan chora-tadbirlar bilan yaqindan tanishildi.
✅ Shuningdek, hokim yordamchilari tomonidan fuqarolarning tadbirkorlik tashabbuslarini qoʻllab-quvvatlash, doimiy va mavsumiy ish oʻrinlarini yaratish, kasb-hunarga oʻqitish hamda davlat dasturlari doirasida ajratilayotgan imtiyoz va imkoniyatlardan samarali foydalanish boʻyicha olib borilayotgan ishlar tahlil qilindi.
✅ Oʻrganish yakunida mazkur yoʻnalishdagi ishlar samaradorligini yanada oshirish, mavjud muammolarni oʻz vaqtida bartaraf etish hamda aholi bandligini taʼminlashga qaratilgan ishlarni davom ettirish yuzasidan tegishli tavsiyalar berildi.
Deputatlik nazorati doirasidagi bunday oʻrganishlar hududlarda ijtimoiy-iqtisodiy rivojlanishni jadallashtirish, aholi muammolarini tizimli hal etish hamda mahalliy Kengash nazorat funksiyasini samarali amalga oshirishga xizmat qiladi.