2026-yilning 2-chorak yakunlari bo‘yicha tuman Kengashining navbatdagi Doimiy komissiya yig‘ilishida tuman adliya bo‘limi boshlig‘ining axboroti eshitilishi rejalashtirilganligi munosabati bilan joylarda o‘rganishlar olib borilmoqda.Shu munosabat bilan Xalq deputatlari Parkent tuman Kengashi deputati Uboydullayeva Yulduz Abrorjonovna o‘zi saylangan okrug hududidagi Qiziltog‘ shaharchasida joylashgan Parkent tumani Adliya bo‘limining 2-son FHDYO bo‘limida bo‘lib, uning faoliyati bilan yaqindan tanishdi.O‘rganish davomida 2-son FHDYO bo‘limi rahbari Axrolova Saodat O‘ktamovna tomonidan bo‘lim Qiziltog‘, Nomdanak, Shampan,
Novdak, Nevich hamda Sanganak hududlarida yashovchi fuqarolarga davlat xizmatlari ko‘rsatib kelayotgani haqida ma’lumot berildi.Deputat tomonidan fuqarolik holati dalolatnomalarini qayd etish, jumladan tug‘ilish, nikoh tuzish, nikohdan ajralish va o‘limni ro‘yxatdan o‘tkazish bo‘yicha davlat xizmatlari ko‘rsatish sifati, ariza va murojaatlarni qabul qilish tartibi, xizmatlar tezkorligi hamda fuqarolar uchun yaratilgan sharoitlar o‘rganildi.O‘rganish yakunida xizmat ko‘rsatish sifatini yanada oshirish, hujjatlarni rasmiylashtirish jarayonining shaffofligini ta’minlash va fuqarolar uchun yaratilgan qulayliklarni kengaytirish yuzasidan tegishli taklif
va tavsiyalar bildirildi.Mazkur o‘rganish natijalari tuman adliya bo‘limi boshlig‘ining navbatdagi Doimiy komissiya yig‘ilishida ko‘rib chiqiladigan axborotini har tomonlama tahlil qilish hamda davlat xizmatlari sifatini yanada yaxshilashga xizmat qiladi.