#24_ta_masala
#_DEPUTAT_NAZORATI

🏥 Aholi salomatligi — doimiy nazoratda

🗣Bandixon tumanida tibbiy xizmat ko‘rsatish sifatini yaxshilash va poliklinikalarda aholi uchun yaratilgan sharoitlarni o‘rganish ishlari davom etmoqda.

⏺Xalq deputatlari Bandixon tumani Kengashi deputati G.Xolmatova hamda Kengash kotibiyati bosh mutaxassisi E.Eshonqulov Quduqsoy mahallasida joylashgan Tuman tibbiyot birlashmasi tangimush oilaviy shifokorlik punkti faoliyati bilan yaqindan tanishdilar.

💬 O‘rganish jarayonida quyidagi masalalarga alohida e’tibor qaratildi:

▶️Tibbiy xizmat sifati: Bemorlarni qabul qilish tizimi va ko‘rsatilayotgan tibbiy yordamning samaradorligi;

▶️Dori-darmon ta’minoti: Imtiyozli dori vositalari bilan ta'minlanganlik darajasi va dorixona faoliyati;

▶️Sharoitlar: Poliklinika xonalarning sanitariya holati va tibbiy jihozlarning sozligi;

▶️Raqamlashtirish: "Elektron poliklinika" tizimining ishlashi va navbatlarni tartibga solish holati.

Mazkur o‘rganish ishlari O‘zbekiston Respublikasining “Fuqarolar sog‘lig‘ini saqlash to‘g‘risida” 265-I-son Qonuni talablariga muvofiq amalga oshirilmoqda.

💬Ushbu qonunga ko‘ra:
▶️fuqarolarga sifatli va o‘z vaqtida tibbiy xizmat ko‘rsatish kafolatlanadi.
▶️tibbiyot muassasalarida zamonaviy sharoitlar yaratilishi shart.
▶️aholining sog‘lig‘ini muhofaza qilish davlat siyosatining ustuvor yo‘nalishlaridan biri hisoblanadi.

💬Deputat tibbiyot xodimlariga aholi murojaatlariga e'tiborli bo'lish va ko'rsatilayotgan xizmatlar sifatini yanada oshirish bo'yicha tavsiyalar berdi.

🫥Inson salomatligi — jamiyatning eng oliy boyligidir!