Xalq deputatlari Buxoro viloyati mahalliy Kengashlari faoliyati bilan yaqindan tanishish, oʻzaro tajriba almashish hamda hududlararo hamkorlikni yanada mustahkamlash maqsadida xalq deputatlari Toshkent shahar Kengashi deputatlaridan iborat delegatsiya Vobkent tumaniga tashrif buyurdi.

➡️Tashrif davomida delegatsiya aʼzolari Xalq deputatlari Vobkent tumani Kengashi faoliyati, deputatlik korpusi tomonidan amalga oshirilayotgan ishlar, doimiy komissiyalar faoliyati, saylovchilar bilan ishlash tizimi hamda Kengash kotibiyati tomonidan yoʻlga qoʻyilgan amaliy mexanizmlar bilan yaqindan tanishdilar.

✔️Shuningdek, uchrashuv davomida mahalliy Kengashlar faoliyati samaradorligini oshirish, deputatlik nazoratini kuchaytirish, hududlarni ijtimoiy-iqtisodiy rivojlantirishda Kengashlarning oʻrni, fuqarolar murojaatlari bilan ishlash hamda ilgʻor tajribalarni amaliyotga tatbiq etish masalalari yuzasidan fikr va takliflar almashildi.

📌Mazkur tashrif hududlar oʻrtasida samarali hamkorlikni rivojlantirish, ilgʻor tajribalarni ommalashtirish hamda mahalliy vakillik organlari faoliyatini yanada takomillashtirishga xizmat qilishi alohida taʼkidlandi.

🤝 Bunday uchrashuvlar mahalliy Kengashlar oʻrtasidagi hamkorlikni mustahkamlash, oʻzaro tajriba almashish va aholi manfaatlariga xizmat qiluvchi samarali boshqaruv tizimini rivojlantirishda muhim ahamiyat kasb etadi.