O‘zbekiston Respublikasi Oliy Majlisi Qonunchilik palatasi deputati Muqaddas Urazaliyeva, tumani Kengashi deputati K.Mamanova hamda tuman hokimining o‘rinbosari O.Otajonova bilan birgalikda G‘alaba mahallasida joylashgan 18-sonli davlat maktabgacha ta’lim tashkilotiga tashrif buyurdi.

Tashrif davomida muassasada tarbiyalanuvchilar uchun yaratilgan zamonaviy shart-sharoitlar, ta’lim-tarbiya jarayonining tashkil etilishi, o‘quv va o‘yin xonalari, oshxona hamda dam olish maydonchalari ko‘zdan kechirildi.

Shuningdek bolalarning har tomonlama barkamol rivojlanishini ta’minlash, ularning sog‘lom va xavfsiz muhitda tarbiya olishi uchun amalga oshirilayotgan ishlar bilan tanishildi.

Deputatlar bolajonlar uchun yaratilayotgan sharoitlarni yanada yaxshilash, ta’lim sifatini oshirish hamda ota-onalar bilan hamkorlikni mustahkamlash masalalari yuzasidan taklif va tavsiyalar berdi.