Xalq deputatlari Ishtixon tuman Kengashi kotibiyati mudiri N.Kiyamov, tuman Kengashi deputati M.Raximov tomonidan Bog‘bon mahallasida yoshlar yetakchisi faoliyati, yoshlar bandligini ta’minlash hamda ular bilan ishlash yo‘nalishida amalga oshirilayotgan tadbirlar samaradorligi o‘rganildi.

O‘rganish davomida mahalla yoshlar yetakchisi K.Mahmudov tomonidan yoshlarni qo‘llab-quvvatlash, ularning bandligini ta’minlash va bo‘sh vaqtini mazmunli tashkil etish borasida amalga oshirilayotgan ishlar tahlil qilindi.

Jumladan, 2026-yilning yanvar-may oylarii davomida 15 nafar ishsiz yoshning o‘zini o‘zi band qilishi, tadbirkorlik faoliyati bilan shug‘ullanishi hamda ta’lim olish orqali bandligi ta’minlandi. Shuningdek, 2 nafar og‘ir toifadagi yosh “Yoshlar daftari”ga kiritilib, ularga amaliy ko‘mak ko‘rsatildi. Probatsiya nazoratida bo‘lgan 2 nafar yosh bilan olib borilgan manzilli ishlar natijasida ular sog‘lom turmush tarziga qaytarilib, hisobdan chiqarildi.

Bundan tashqari, 3 nafar yoshning kasb-hunarga o‘qitilishi tashkil etildi. Mahalladagi 700 ga yaqin yoshlar turli sport musobaqalari, ma’naviy-ma’rifiy va madaniy tadbirlarga jalb qilinib, ularning bo‘sh vaqtini mazmunli tashkil etishga alohida e’tibor qaratildi.

Yoshlarning zamonaviy kasblarga qiziqishini oshirish, bilim va ko‘nikmalarini rivojlantirish maqsadida “Ibrat farzandlari”, “Ustoz AI”, “Mutolaa” va “UzChess” loyihalari yuzasidan targ‘ibot ishlari olib borildi. Natijada 300 ga yaqin yoshlar ushbu loyihalarga jalb etilib, xorijiy tillarni o‘rganish, zamonaviy kasblarni egallash, kitobxonlik va shaxmat bilan shug‘ullanish imkoniyatlariga ega bo‘ldi.

✅ Bog‘bon mahallasida yoshlarni qo‘llab-quvvatlash, ularning bandligini ta’minlash va intellektual salohiyatini yuksaltirishga qaratilgan ishlar o‘zining ijobiy natijalarini bermoqda. Bu boradagi faoliyatni yanada kengaytirish yuzasidan tegishli vazifalar belgilab olindi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram