Yig‘ilishda kotibiyat mudiri A.Ermatov, doimiy komissiya a’zolari, ekspert maslahat guruhi hamda yoshlar maslahat guruhi vakillari ishtirok etdi.

Kun tartibiga kiritilgan masalalar yuzasidan Yoshlar ishlari agentligi Marg‘ilon shahar bo‘limi boshlig‘i F.Rahimjonov tomonidan hisobot taqdim etildi. Jumladan, shaharda yoshlar muammolarini tizimli hal etish va ularning bandligini ta’minlash borasida 2026-yil may oyida o‘tkazilgan hokim va yoshlar uchrashuvlari yuzasidan amalga oshirilgan ishlar ko‘rib chiqildi.

Shuningdek, mahallalar va ta’lim muassasalaridagi yoshlarning yozgi ta’tilini mazmunli va samarali tashkil etish, “Dolzarb 90 kun” dasturi doirasida amalga oshirilayotgan tadbirlar hamda yoshlarning bo‘sh vaqtini mazmunli o‘tkazishga qaratilgan chora-tadbirlar muhokama qilindi.

Yig‘ilishda 2026-yil iyun oyi davomida o‘tkazilgan “Yoshlar oyligi” tadbirlari, 30-iyun – Yoshlar kuni munosabati bilan tashkil etilayotgan forumlar, festivallar, madaniy-ma’rifiy va ko‘ngilochar tadbirlar hamda 25-iyun kuni o‘tkazilishi rejalashtirilgan yakuniy gala-konsertni yuqori saviyada tashkil etish masalalari ham atroflicha ko‘rib chiqildi.

Yig‘ilish yakunida kun tartibidagi masalalar yuzasidan tegishli qarorlar qabul qilinib, belgilangan vazifalarning ijrosini ta’minlash bo‘yicha mas’ullarga topshiriqlar berildi.