Bugun yettinchi chaqiriq Xalq deputatlari Furqat tumani Kengashining birinchi sessiyasi bo‘lib o‘tdi. Unda viloyat hokimi o‘rinbosari
Xurshidjon Ahmedov ishtirok etdi. 

Sessiyada tuman saylov komissiyasi raisi Maqsudali Xoliqov joriy yil 27 oktabrda bo‘lib o‘tgan saylov yakunlari to‘g‘risidagi axborotini o‘qib eshittirdi. Sessiyada deputatlar partiya guruhlari ro‘yxatga olinib, tuman kengashining Reglamenti va doimiy komissiyalar to‘g‘risidagi Nizomi tasdiqlandi. 

Sessiya ishida viloyat hokimining Furqat tumani hokimini tayinlash to‘g‘risidagi qarorini tasdiqlash masalasi ko‘rib chiqildi. Viloyat hokimi o‘rinbosari Xurshidjon Ahmedov Furqat tumani hokimini tayinlash to‘g‘risidagi viloyat hokimining qarorini o‘qib eshittirdi. 

Furqat tumani hokimi lavozimiga nomzod Asronkulov Elyorbek Madaminovich tomonidan hududni ijtimoiy-iqtisodiy rivojlantirishning istiqbolga mo‘ljallangan dasturi taqdimot qilindi. 

Nomzod bo‘yicha deputatlar o‘z fikr-mulohazalarini bildirishdi. 

Deputatlar tomonidan Furqat tumani hokimi lavozimiga Asronkulov Elyorbek Madaminovich nomzodi tasdiqlandi.