Bugungi kunda tuman tibbiyot birlashmasiga qarashli "Telemen" O.SH.P 2705 nafar aholiga birlamchi tibbiy sanitariya yordamini ko‘rsatadi. Joriy yilda ushbu muassasani kapital ta’mirlash ishlari "Tashabbusli budjet" loyihasi doirasida 632 mln. so‘m mablag‘ evaziga to‘liq ta’mirdan chiqarildi. Xalqimiz salomatligi yo‘lida xizmat qiluvchi ushbu muassasa avtomatik, bioximik, va gemotologik analizatorlar, stomatologik bor mashinasi va bir qancha zamonaviy tibbiy uskuna va jihozlar, mebellar bilan ta'minlanib, shifokorlarning samarali faoliyat yuritishi, shuningdek, tashrif buyuruvchilar uchun barcha sharoitlar yaratilgan . Xalq deputatlari Konimex tuman Kengashi deputatlari R.Ro'ziyev, S.Napisova, D.Berdaliyevflar tibbiyot maskanida aholiga sifali tibbiy xizmat ko'rsatish uchun yaratilgan shart-sharoitlar bilan yaqindan tanishib qurilish-ta'mirlash ishlariga mas'ul quruvchiga milliy to'n kiydirilib, mehnatlari e'tirof etdi . Tadbir so‘ngida dasturxon yozilib, ishtirokchilarga xush kayfiyat ulashildi.