Ўзбекистон Республикаси Вазирлар Маҳкамасининг “Хотин-қизлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида” қарори мувофиқ Ижтимоий аҳволи ва турмуш шароити оғир, ишсиз ва ижтимоий фаол бўлмаган хотин-қизлар учун тиббий, ҳуқуқий ва психологик ёрдам кўрсатишга алоҳида эътибор қаратилади.

Бугун туман ҳокимлиги мажлислар залида “Шижоат” имконияти чекланган аёллар ва ёшлар маркази раҳбари Ш.Аманова, тренерлар Г.Бурхонова, М.Хамроева,С.Нарзиева ҳамда Халқ депутатлари Томди тумани Кенгашининг Ёшлар сиёсати, хотин-қизлар ва гендер тенглик масалалари бўйича доимий комиссияси раиси А.Доспанбетова билан биргаликда “Аёллар дафтари” рўйхатига киритилган, психологик кўмакка муҳтож аёллар билан тренинг ўтказилди.

Унда аёллар психологияси ҳамда соғлом ва мустаҳкам оиланинг асослари, хотин-қизлар ўртасида учраётган турли нохуш ҳолатларнинг олдини олиш борасидаги ишларга алоҳида эътибор қаратилди. Руҳий тушкунликка тушиб қолган аёллар билан индивидуал суҳбатлар олиб борилиб, ўзига бўлган ишончни орттиришга қаратилган тавсиялар берилди.