Deputatlik guruhining navbatdagi yig‘ilishida 2026-yil 2-fevraldagi 01-02/20-sonli hamda majlisning 1-sonli xati asosida qator muhim masalalar ko‘rib chiqildi. Xususan, O‘zbekiston “Adolat” sotsial-demokratik partiyasining saylovoldi dasturida belgilangan maqsad va vazifalar ijrosini
ta’minlash yuzasidan aniq chora-tadbirlar muhokama etildi. 

Yig‘ilishda ta’kidlanganidek, 2026-yil fevral oyi davomida partiya deputatlari zimmasiga “Sifatsiz mahsulot ishlab chiqarish hamda narx-navo sun’iy oshib ketishining oldini olish ustidan jamoatchilik nazorati samaradorligini o‘rganish” vazifasi yuklatilgan. 

Mazkur topshiriq doirasida deputatlar tomonidan: 

· ishlab chiqaruvchi korxonalarda mahsulot sifatiga rioya etilishi holatini o‘rganish; 

· iste’mol bozorlarida narx-navo barqarorligini tahlil qilish; 

· sun’iy narx oshirish holatlarini aniqlash va ularga huquqiy baho berish; 

· aholi murojaatlari va takliflarini o‘rganish orqali jamoatchilik nazoratini
kuchaytirish; 

· tegishli tashkilotlar bilan hamkorlikda amaliy choralar ishlab chiqish rejalashtirildi.

Yig‘ilish ishtirokchilari tomonidan ta’kidlanganidek, ushbu vazifa fuqarolar huquq va manfaatlarini himoya qilish, bozorda sog‘lom raqobat muhitini ta’minlash hamda ijtimoiy adolat tamoyillarini mustahkamlashda muhim ahamiyat kasb etadi.