🤝 Xalq deputatlari Bulung‘ur tuman Kengashi va “Madad” nodavlat notijorat tashkiloti hamkorligi yo‘lga qo‘yildi

 Xalq deputatlari Bulung‘ur tuman Kengashi hamda “Madad” NNTning Bulung‘ur tuman vakili o‘rtasida o‘zaro hamkorlik yo‘lga qo‘yildi. Mazkur hamkorlik O‘zbekiston Respublikasi Prezidentining 2024-yil 24-maydagi PF–80-son Farmoniga muvofiq, fuqarolarga bepul birlamchi yuridik yordam ko‘rsatish tizimini yanada takomillashtirish maqsadida yo‘lga qo‘yilmoqda. 

✅ Hamkorlik doirasida:

• aholiga bepul huquqiy maslahatlar beriladi;

• amaldagi qonunchilik hujjatlarining mazmun-mohiyati tushuntiriladi;

• fuqarolarning murojaatlari asosida amaliy yordam ko‘rsatiladi;

• ijtimoiy himoyaga muhtoj qatlamlar, yoshlar, xotin-qizlar va nuroniylarning
huquqiy savodxonligini oshirishga alohida e’tibor qaratiladi. 

📌 Shuningdek:

• joylarda sayyor qabullar tashkil etiladi;

• mahallalarda huquqiy targ‘ibot tadbirlari o‘tkaziladi;

• fuqarolarning dolzarb muammolari o‘rganilib, ularni qonuniy hal etish mexanizmlari tushuntiriladi;

• kelib tushgan murojaatlar tahlil qilinib, tizimli muammolar yuzasidan tegishli tashkilotlarga deputatlik so‘rovlari kiritish amaliyoti kuchaytiriladi. 

Mazkur tashabbus fuqarolarning huquq va qonuniy manfaatlarini himoya qilish, huquqiy madaniyatini yuksaltirish hamda davlat organlari va jamiyat o‘rtasidagi ochiq va samarali muloqotni mustahkamlashga xizmat qiladi. 

✍️ Xalq deputatlari Bulung‘ur tuman Kengashi tomonidan bunday hamkorlikni kengaytirish hamda aholiga yaqin, ochiq va shaffof faoliyat yuritish ustuvor
vazifa sifatida belgilangan.  

Xalq deputatlari Bulung‘ur tuman kengashi