Buloqboshi tumani Qaqir MFY hududida istiqomat qilayotgan yoshlar va fuqarolar bilan Xalq deputatlari Buloqboshi tuman Kengashi “Qaqir saylov okrugi”dan saylangan deputat Yuldasheva Dilafrus Abdullayevna suxbat o’tkazdi. 

Uchrashuv davomida yoshlarning bandligini ta’minlash, ularni kasb-hunarga yo‘naltirish, tadbirkorlikka jalb etish hamda mavjud bo‘sh
ish o‘rinlari haqida batafsil ma’lumotlar berildi.  

Shuningdek, Prezidentimizning Oliy Majlis va O‘zbekiston xalqiga yo‘llagan murojaatnomasida belgilab berilgan ustuvor
vazifalar Yangi O‘zbekistonda inson qadri, adolat va farovonlikni ta’minlash yo‘lida muhim dastur ekanligi
fuqarolarga aytib o‘tildi 

Shu bilan birga yoshlarni qiynayotgan muammolar va takliflar tinglanib, ularni hal etish yuzasidan tegishli mutasaddi tashkilotlarga xabardor qilish belgilab olindi. Uchrashuv yakunida yoshlarning ijtimoiy faolligini oshirish va doimiy muloqotni yo‘lga qo‘yish muhimligi ta’kidlandi.