Aholi, ta’lim muassasalari hamda ijtimoiy infratuzilma ob’yektlarining uzluksiz faoliyatini ta’minlash maqsadida amalga oshirilayotgan sa’y-harakatlar doirasida bir qator yo‘nalishlarda monitoring, o‘rganish va amaliy choralar belgilab borilmoqda.

Xalq deputatlari Termiz shahar Kengashi deputatlari A.Mustafakulov, A.Ashurov, I.Shatova hamda O.Lapasovalar shahardagi 8-, 15-sonli umumta’lim maktablarining kuz–qish mavsumiga tayyorgarlik jarayoni bo‘yicha o‘rganish ishlarini olib borishdi.

O‘rganish jarayonida ta’lim jarayonining uzluksiz va sifatli tashkil etilishi yuzasidan maktablarning isitish tizimi, elektr tarmoqlari, deraza-romlarining holati, sinf xonalarining yoritilishi, xavfsizlik talablari ko‘zdan kechirilib, deputatlar tomonidan ta’minot tizimidagi ba’zi texnik nosozliklar, ta’mir talab joylar va boshqa ayrim muammoli jihatlar ko‘rsatib o‘tildi.

Shundan so‘ng, deputatlar tomonidan aniqlangan muammolar va ularni bartaraf etish yuzasidan mutasaddi tashkilotlarga so‘rovlar yuborilishi belgilab olindi.